KUMBE NDO KINACHOENDELEA NYUMBANI na Joseph C. Ogbu (JoeNwaOgbu)

Habari njema imetufikia; Watanzania furahini

Mapadre,watawa, walei, sote simameni

Tutazame tulikotokea, tulipo na tunapoelekea 

Kweli, furaha kubwa kwetu Tanzania.

Sinodi ya Maaskofu; Mkutano Mkuu wa Mababa

Kaitisha yule Mkuu, Francis wetu Papa

Imani yetu idumu, mpaka tufike kwa Baba

Liishi Kanisa letu, lisafiri bila kusimama.

Kumbe ndo kinachoendelea katika Kanisa

Nasi tuko imara kushiriki kabisa

Tutembee pamoja sote katika umoja

Tusiache fuatilia, kila hatua-na-hoja.

Kwa pamoja na ushirikiano tutaweza

Katika umoja tutafurahi na kucheza

Sinodi hii, ya ulimwengu wote

Njooni haraka tutembee pamoja sote.

Mashaka ondoeni, wasiwasi fukuza

Pamoja tusafiri, sikubali kuachwa

Nyuma we sibaki, tukalijenge Kanisa

Umoja Sinodi, uwazi, ukweli kila hatua.

Kina baba na mama, furahini

Amka wewe kijana, watoto msibaki

Amkeni mliolala, mbiu yapigwa Sinodi

Si ndoto tena, sinodi i mlangoni.

Wako mchango muhimu, msaadao hakika

Uthamini ee ndugu, dumisha ushirika

Kwa nini usishiriki? Sipishane na baraka

Tumikia Kanisa hili, na thawabu tapata

 

Majimbo yote, njooni mchote baraka

Msisite, msichelewe kabisa; kimbieni haraka 

Mama Kanisa anayofuraha kusema; karibuni

Na msiogope Kupiga hodi nyumbani.

Wapendwa, tusikilizeni utaratibu wa majimbo yetu

Tuweze kulisaidia Kanisa kwa utaalamu wetu

Kwa unyenyekevu na upendo wa dhati

Ili tuendelee kufurahia ulimwengu kama Umati.

(Sinodi ya XVI ya Maaskofu  kiulimwengu 2021-2023)